انصار: (د وږی۲۰مه)، د روان کال له پیله پاکستان کې د پولیو د مثبتو پېښو شمېر ۱۸ ته لوړ شو.
د بلوچستان په کوټه کې پرون پنجشنبه د وږي ۲۹مه د پولیو یوه مثبته پېښه ثبتېدو سره د روان کال کې په دغه هېواد کې د پولیو د مثبتو پېښو شمېر ۱۸ ته لوړ شو.
ویل شوي د پولیو دغه پېښه په یو دوه کلن ماشوم کې لیدل شوې ده.
تر دې وړاندې د پولیو ۱۷مه پېښه په اسلام اباد کې ثبت شوې وې، چې د روان کال له پیله تر دې دمه یوازې له بلوچستان څخه د پولیو ۱۳ پېښې ثبت شوې دي.
تر دې وړاندې درې پېښې په سند، دوه پېښې په پنجاب او دوه پېښې په کویټې کې ثبت شوې وې.
د پولیو د مخنیوي په چارو کې د پاکستان د لومړي وزیر ځانګړې سلاکارې «عایشه رضافاروق» د پولیو په پېښو کې د زیاتوالي په اړه د اندېښنه ښودلې او ویلي یې دي د بلوچستان په ځینو سیمو کې د پولیو پر ضد کمپاین بریدونه د دغه ویروس د خپرېدا لامل شوی دی.
URL تعقيب: https://www.ansarpress.com/pashto/33536
د فرشتې کوهستاني او د هغه د ورور مړي خاورو ته وسپار شول